اختبار قياس مستوى ذكاء المواطن المصرى

استعرض الموضوع السابق استعرض الموضوع التالي اذهب الى الأسفل

اختبار قياس مستوى ذكاء المواطن المصرى

مُساهمة من طرف lamis في الإثنين ديسمبر 08, 2008 7:53 pm



المواطن المصري واحد من اذكى ثلاث مواطنين على مستوى سطح الكو كب . الاول هو انسان الكهف الذى اختبا بمحض ارادتة من الدنياصورات والثانى هو انسان الغاب طويل الناب الذي خرج من الكهف بعد انقراض الديناصورات والثالث هو إنسان مصر الذي يخرج من كهفه نهارا و يصطدم بادنياصورات بحثا عن لقمة لعيش وفي المساء يختبئ في الكهف لمشاهدة مباريات المنتخب .

هناك من شك في ذكاء انسان مصر . وبناء علية قررنا اجراء اختبار لقياس مستوى ذكاء المواطن المصري استلمت الاسئلة وقمت بالاجابة عنها ملتزما باشروط التى ذكرت في راس ورقة الاسئلة والتى تنص على ان زمن الاجابة فترة واحدة تجدد بموافقة مجلس الشعب وان الاجابة يشترط كتابتها بقلم الحبر الفوسفورى وانة لن يلتفت لاوراق الاجابة غير المرفق بها طابع الشرطة وان الامتحان سيكون تحت اشراف القضاء فى الاسلام.

هل صحيح ان كتر السلام يقلل المعرفة ؟

صحيح فيما عدا السلام مع اسرائيل كتر السلام معها يعمق المعرفة و البيزنس

لية القانون لايحمى المغفلين ؟

علشان يوفر فرص عمل للبلطجية

لية سموها بلاد برة ؟

علشان بارة باولادها

87% من ابناء الشعب المصرى ساخطون على الحكومة المصرية .. ما تعليقك ؟

الـ 13% الباقين في بورتو مارينا

اية المشكلة في كتابة التاريخ عندنا ؟

المشكلة اننا بنكت التاريخ بنفس الطريقة اللى بنربي بيها اولادنا ...ما بنقولهمش الحقيقة

45% من الشعب المصري مصابون بالسكر .. ما تعليقك ؟

ادى اللى خدناة من ( الحلوانى ) اللى بنى مصر

ما رايك في ظهور مذيعة محجبة على الفضائيات تتحدث في الجنس ؟

عادى جدا هو امر لايختلف عن كون سوق بدل الرقص موجودة على بعد خطوات من مسجد سيدنا الحسين .

ما اهم مظاهر الفهلوة عند المصريين ؟

انهم يشكون في الشحات ولا يشكون في النصاب



لية الواحد لازم يكون عندة لغة في البلد دى ؟

علشان لما يجوع يعرف يعمل ( اوردر )

لية الحزب الوطنى بيعمل اعلاانات لنفسة مع ان البلد كلها بتاعتة ؟

زى ما شبكت اوربت بتعمل اعلانات لنفسها على شاشة اوربت

يعدى البحر وما يتبلش ؟

الجنين في يطن امة يبايع السيد الرئيس



ما الفرق بين السد العالى وقانون الطوارئ ؟

الاثنان مصدر للكهرباء



لماذا يطلق الرجال المصريون ( الحكومة ) على زوجاتهم ؟

لصعوبة تغيرها مهما تسببت في كوارث

ما اهم قاعدة موجودة في مصر ؟

ان مفيش قواعد لاى حاجة





ازاى الواحد ممكن يعرف حكمة ربنا في الفلوس ؟

انها بتخليك تستغنى عن الناس

امتى بتحس ان البلد حلوة ؟

مابحسش ان البلد حلوة غير لما داليدا تقول ( حلوة يابلدى ) بغض النظر انها قالت او انتحرت !!!

لماذا يشعر المصرى بكل هذة الفرحة عندما يتناول طبق ام على ؟

هى الفرحة نفسها عندما يستمتع احد آكلى لحوم البشر باكل ممثل كوميدى

لماذا تحاول الحكومة المصرية الغاء مجانية التعليم ؟

علشان محدش ببيتعلم ببلاش

من الفئة التى تستحق اعلى مرتب في مصر ؟

فئة عمال النظافة طبعا لانهم يعملون في بلد عايزة الكنس

الشخصية الزبالة شخصية منتشرة في المجتمعات الحديثة هل يمكنك تقديم تشرح وافى لوحدة بدون ذكر اسماء ؟

1- المخ : بيدور على غلطة

2- العين : تنشد بسرعة للبقع

3- الاذن : مليانة شمع يكفى لعشاء على ضوء الشموع

4- اللسان : اكبر مثال على نظرية ما شتمك الا اللى بلغك

5- الانف : بيحطها دايما فى اى حاجة ملوش فيها

6- القلب : تابع لشركة اوروبا 2000

7- الضمير : فية كمية من الاسفلت تكفي لتصليح المحور

8- الفؤاد : يهوى الشاغلات

9- الذراع اليمنى : الملك اللى بيكتب الحسنات بيعانى من البطالة

10- الذراع اليسرى : الملك اللى بيكتب السيئات متهم بالاحتكار

11- القدم : بيستخدمها في الشنكلة اكتر من المشي

12- الاصابع : اصابع اتهام

13- العظام : انا اعظم واحد في الشركة

امتى هناكل جوافة من توشكى ؟

المفتى قال الجوافة حرام

ما الدليل على ان مصر بلد الامان ؟

الدليل ان الواحد بيتردد كثير قبل ما يدخل قسم الشرطة

ما رايك في خط خدمة تفسيرالاحلام ؟

حيكون احسن لو في خط خدمة تفسير الواقع

ما رايك في مقولة اللى بيحب لازم يستحمل ؟

اللى بيحب لازم يتعالج

بما تنصح اى طفل عندما يجد ابوة وامة متخانقين ؟

اوعى تدى راسك لماما علشان تسرحها

ما الفرق بين الزوجة المصرية والزوجة اللبنانية ؟

30 كيلو اجرام على الاقل

بماذا ستجيب كمصري عند سؤالك عن عمرك فيما افنيتة بعد عمر طويل ؟

افنيتة في اشارة قصر النيل مستنيها تفتح وفي صلاح سالم مستنية يتحرك وعلى كوبرى اكتوبر مستنى لما رئيس الوزراء يروح

من المستفيد من الزحام الذى بسيطر على شوارع القاهرة ؟

شركات المحمول كلة واقف في الإشارة ماسك الموبايل بيخلص شغل او بيعتذر عن التاخير او بيسلي نفسة على الاقل وبالتالى تعتبر الادارة العامة للمرور هى المستفيد الثانى مخالفات استخدام المحمول اثناء القيادة ؟

ما الشئ الذى يذكرك بالفلاح المصري الاصيل ؟

السحابة السوداء

لية بيقدموا الساعة ساعة عندنا في الصيف ؟

علشان البلد تتقدم بينا

اية اكبر حاجة بتجمعنا كمصريين ؟

اكبر حاجة بتجمعنا هيا حبنا للكابتن ابوتريكة

حبنا لابو تريكة خلا معظمنا يمشى فى الشارع لابس تيشرتات عليها رقم 22 ...حد فيكم بيفكر يعلق علم مصر في البلكونة عندة ؟



لماذا يقال عن الشعب المصري انة شعب فوضوى ؟

علشان بيكرة النظام

اذكر اسم شخصية معروفة ما بتكبرش ابدا ؟

بكار




نقلا عن جريدة الدستور

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف التنين في الثلاثاء ديسمبر 09, 2008 11:32 am

واللة عندك حق يا lamis
بس على فكرة موضوع دة بيقلب المواجع على الواحد

بس انا عايز اقولك حاجة انا لكل طاغية هاوية
ولازم يكون يقينك بربنا كبير لان كل دة مننا احنا :وما اصابكم من مصيبة فمن انفسكم ؛

ولازم كل واحد يبتدى بنفسة الاول علشان نغير من اللى حولينا

ولازم يكون لكل واحد هدف يسعى لة علشان يحققة

ودة رائى مش عارف انتوا رئيكم اية

وعلى فكرة المنتدى دى هيتقفل قريب لو احنا اتكلمنا فى مواضيع زاى دى



وعلى فكرة الموضوع دة جامد اوى

التنين
عضو فعال
عضو فعال

عدد الرسائل : 372
العمر : 27
التميز الشخصي/الهوايات : الكونغ فو والكمبيوتر وتعلم المهارات واكتساب الخبرات
تاريخ التسجيل : 27/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف semsem في الأربعاء ديسمبر 10, 2008 2:36 am

الموضوع جميل بس ياريت مانتكلمش فى هذة المواضيع تانى يا استاذة وابعدى عن الدستور خلى السنبن الباقية تعدى على خير واتكلمى فى اى شى تانى احسن من ان المنتدى يغلق ومنخدش الجودة واحنا فى عرض جودة واحدة ماشى يا استاذة بس الموضوع جميل بردة

وكل عام وانتم بخير

سمسم

semsem
مستجد
مستجد

عدد الرسائل : 78
العمر : 26
التميز الشخصي/الهوايات : جوالة / كرة سلة / العاب قوى
تاريخ التسجيل : 21/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف lamis في الأربعاء ديسمبر 10, 2008 12:49 pm

دا الكلية طلع فيها ناس خوافين اهو
لو ما كونتوش رجالة بقى اية كان رد الفعل

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف romeel في الأربعاء ديسمبر 10, 2008 1:10 pm

لا والنييييييييييييعمة موضوع حلو يالاميس ايه الحلاوة دي
هو ده الدستور لكن بوجه اخر او الوجه الاصح ان صح التعبير
انا على فكرة باتابع كل كتبابك بالاخص

romeel
وسام التميز
وسام التميز

عدد الرسائل : 338
العمر : 31
الموقع : romeel2010@yahoo.com
التميز الشخصي/الهوايات : القراءة بس مش كل المواضيع
تاريخ التسجيل : 31/10/2008

http://romeel.mountada.biz/

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف التنين في السبت ديسمبر 13, 2008 10:11 pm

ههههههههههههه
هههههههههههها
على فكرة اللى انتى بتقولى عليهم ناس خواف دى انتى لما تعرفى هما مين هتعرف ان احنا لا نخاف ال من اللة

والحاجة اللى عايز اوضحة ليكى يا لمضة
انا المنتدى اتنشاء او اتعمل علشان يساعد الطلبة ويحل مشاكل الطلبة الدراسية

مش علشان يطرح ويعالج مشاكل الحكومة او البلد
ثم انتى هتعملى اية ولا هتحلى اية
انتى لسان وخلاص

خليك احسن فى دراستك
واهتمى بستقبلك علشان دى مهمتك فى الحياة دلوقتى وسيبى دة بعد الدراسة

وانا اسف لو كنت بتكلم بطريقة مش كويس

ودى نصيحة من اخ لاختة
نعيب الزمان والعيب فينل وما لزمان عيبا سوانا

التنين
عضو فعال
عضو فعال

عدد الرسائل : 372
العمر : 27
التميز الشخصي/الهوايات : الكونغ فو والكمبيوتر وتعلم المهارات واكتساب الخبرات
تاريخ التسجيل : 27/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف lamis في الأحد ديسمبر 14, 2008 7:48 pm

عيبك انك بترمى اللى متعرفش عنة حاجة وراء ظهرك
مش عيب ولا خطأ ان الانسان يطرح قضايا موجودة بالفعل ويحتاج رأيكم فيها
العيب ان اكون مش فاهم حاجة فى اى حاجة
والانسان مش بدرستة ولا بشهادة معينة
الانسان بدماغة واللى فيها وثقافتة وطريقة تفكيرة بس

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: اختبار قياس مستوى ذكاء المواطن المصرى

مُساهمة من طرف البرنس في الإثنين ديسمبر 15, 2008 6:23 pm

اية الكلام الكبير دة
انا بصراحة انصدمت من الردود الى موجودة
هوة موضوع حلو يا لاميس
بس خدى برائى التنين
وفكرى فى دراستك احسن
والى بيقلك علية التنين هوة دة الصح
الموضوع مش موضوع خوف
هوة زى مالتنين قال رائى او رايك او راية هيعمل اية
سيبك من الكرم دة وركزى فى مزاكرتك احسن
واكبر منك بيوم يعرف عنك بسنة
ياريت تخدى بنصيحة الى اكبر منك
انا والتنين بالك كاخوات سيبك من الكلام دة وركزى فى مزاكرتك
ولتانى مرة بالك مش موضوع خوف
انا هالك حاجة
على راى ميدو مشاكل
الى لية دهر مينضربشى على شاشتة
واحنا الحمد للة لينا ضهر وضهر جامد كمان

فالموضوع مش موضوع خوف

وخدى بنصيحة اخواتط وركزى فى مزاكرتك

البرنس
عضو فعال
عضو فعال

عدد الرسائل : 549
العمر : 28
التميز الشخصي/الهوايات : السباحة
تاريخ التسجيل : 04/12/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى