نكت جامدةخالص

استعرض الموضوع السابق استعرض الموضوع التالي اذهب الى الأسفل

نكت جامدةخالص

مُساهمة من طرف lamis في الأربعاء ديسمبر 10, 2008 5:14 pm

واحد صاحبنا فاشل فى الامتحانات


فدخل الامتحان لاقاه كله صح وخطأ راح مطلع بريزه وقال لو ملك تبقى صح ولو كتابه تبقى غلط خلص الامتحان فى نص ساعه فلقى بقيت زمايله لسه ماخلصوش


راح مطلع البريزه وقال اما اراجع

......................................

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

............................................


معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش

.......................................


واحد محشش قاعد مع صحابه و بيحكي لهم: انا مره طلع لى اسد و كان فى ايدى كباية ميه رميته بيها،الأسد طلع يجرى رد عليه واحد من اللى قاعدين قاله صح انا قابلت نفس الأسد ضربته بالألم ايدى اتبلت


.......................................



2 مساطيل قاعدين قدام (مرايه) واحد بقول للتانى شايف الاثنين اللى قدامنا دول


قاله اه قالوا شايف بيبصولنا ويشاوروا علينا ازاى قاله يا عم مالكش دعوه بيهم


قاله ازاى يا جدع مش شايف قاعدين يتكلموا ويبوصولنا ازاى اكيد بيتكلموا علينا


قالو يا عم اصبر لو اتكلموا تانى ابقى روح اضربهم ماشى قاله اهم اتكلموا


والله لنا قايم معورهم


جه يقوم قاله اصبر اهم جايين

........................................


مره واحد صعيدى ومراته قاعدين فى طياره


الصعيدى قال لمراته ياوليه انا عطشان هاتيلى اشرب


راحت جابتله ميه


بعد شويه قالها انا عطشان هاتيلى اشرب راحت وما جابتش حاجه


قالها فين الميه يا وليه


قالت له الزير اللى كنت باجبلك منه لاقيت واحد قاعد عليه


.............................................



واحد معاه ارنب عايز يبيعه جاله واحد مسطول وقاله بكام القرد ده


رد عليه وقاله انت اعمى ده ارنب مش قرد


المسطول قاله حد كلمك انا بسأل الارنب

...............................................


مرة واحد سمين جدا قابل واحد رفيع جدا
السمين : اللى يشوفك يقول فيه مجاعه فى البلد

الرفيع: واللى يشوفك يقول انك سببها

...........................................


وهذا أحد المشرفين يبي يكلم خطيبته قال لها ... أنتي موضوع

عمري ........أنتي مشاركه حياتي ......أنتي كل

صلاحياتي....
صوتك وكلامك كود تفعيل عضويتي في الحياة


..............................................

مشرف جاب توأم احتفظ بواحد وحط الثاني فى المواضيع المكرره....

.....................................


واحد بيشتغل في وزارة المالية خلف بنت سماها إعتماد.

.....................


مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا


.............................

واحد بلدياتنا واقف قدامه خمس شياطين..ليه..؟......... واحد يوسوسله واربعه يفهموه...........


...........................................


صرصارين في العناية المركزة واحد بيسأل التاني بيروسول قاللو لأ قبقاب


...................................

محشش طلبوا منه التبرع لبناء سور لمقبرة .....
رد قالهم: ليه ماعمرنا شفنا ميت هرب


.......................................

مرة 2 مساطيل قاعدين
فواحد قال للثاني
"هما ليه سمو قناة السويس بالاسم ده؟"
فرد عليه الثاني و قاله .....
"علشان المراكب بتمشي فيها بسويس بسويس"


...................................

مرة إتنين محششين إتفقوا إن أول واحد يعدي في الشارع يقطعوا راسه و يلعبوا بيها كرة

المهم أول واحد عدي كان مسطول أكتر منهم ... فقالوا له بص إحنا إتفقنا نقطع راسك و نلعب بيها كرة

قام مطلع سكينة و ضاربها في دماغة و قال لهم ..

ده أنا أفسيها قبل ما تلعبوا بيها



يارب يعجبوكم

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى