حلاقات شاب تافة

استعرض الموضوع السابق استعرض الموضوع التالي اذهب الى الأسفل

حلاقات شاب تافة

مُساهمة من طرف semsem في الجمعة ديسمبر 12, 2008 2:27 pm

ازيكم ياشباب النهارده جايب لكم قصه كوميديه جامده جدا القصه دى عجبتنى اوى فقولت اشاركم معايا
يارب تعجبكم





·
يدخل أبو طارق إلى حجرة ولده طارق ليوقظه للذهاب إلى الجامعة فيربت على ظهره الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب طارق : إيه يا بابا فيه إيه ؟ الوالد :قوم يا حبيبى عشان تلحق تروح كليتك ؟ طارق : يا بابا كلية إيه اللى بتصحينى عشانها وش الفجر الوالد : وش الفجر إيه بس... يا بنى الساعة داخلة على عشرة ...


قوم يا حبيبى عشان تلحق محاضراتك طارق : يابابا نفض الوالد : أعمل إيه طارق : يعنى كبر يا بابا الوالد : الله اكبر طارق : لا يا بابا مش قصدى ... أن بقولك كبر دماغك يعنى الولد : يا ابنى قوم متتعبنيش .... مش انت عندك محاضرات مهمة النهاردة ؟ طارق : يا بابا مهمة إيه بس ... ده كله فى الكلتشة الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة طارق : يا بابا ... فكك من كلام الستينات ده.... أنا مش قادر أفك رموز وشى الوالد : يا بنى قوم أخوك بيقول ان المحاضرات النهاردة عندك مهمة طارق : يابابا سيبك منه ... ده واد بيهيس الوالد : يعنى إيه .... يعني كلامه صح ولا غلط ؟ طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار الوالد : يا بنى انت بتتكلم كده ليه ؟ طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك طارق : و الله يابابا أنا مأفور خالص و مش قادر ... سيبنى الوالد : يا بنى كلمنى زى ما بكلمك ... إيه اللى انت بتقوله ده طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .


الوالد : مصلحتك ؟ يا بنى انت بقالك ثلاث سنين فى سنة ثانية

semsem
مستجد
مستجد

عدد الرسائل : 78
العمر : 26
التميز الشخصي/الهوايات : جوالة / كرة سلة / العاب قوى
تاريخ التسجيل : 21/11/2008

الرجوع الى أعلى الصفحة اذهب الى الأسفل

رد: حلاقات شاب تافة

مُساهمة من طرف lamis في الجمعة ديسمبر 12, 2008 3:46 pm

واللة الكلام دة هوة اللى بوظ لغتنا
وياريت ياجماعة نحد منة
او على الاقل ما نجعلة هوة اللغة السائدة بينا

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: حلاقات شاب تافة

مُساهمة من طرف romeel في السبت ديسمبر 13, 2008 1:24 pm

بس مش كتير تلات سنين في تلاته

romeel
وسام التميز
وسام التميز

عدد الرسائل : 338
العمر : 31
الموقع : romeel2010@yahoo.com
التميز الشخصي/الهوايات : القراءة بس مش كل المواضيع
تاريخ التسجيل : 31/10/2008

http://romeel.mountada.biz/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى