حوار بين بنت وجدتهاعام 2052

استعرض الموضوع السابق استعرض الموضوع التالي اذهب الى الأسفل

حوار بين بنت وجدتهاعام 2052

مُساهمة من طرف lamis في الثلاثاء ديسمبر 16, 2008 9:23 pm

المكان أحد أحياء القاهرة
الزمان يوم من أيام صيف عام 2052
حفيدة في سن المراهقة (12 سنه) تجلس مع جدتها (70 سنة
) ويدور بينهما هذا الحوار ::
الحفيدة
: تيته ميرو إزيك..بقى لي زمان ما قعدتش معاكي
الجدة
: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني
الحفيدة
: ومابتفتحيش الدش ليه يا تيته
الجدة
: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!
الحفيدة
: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !
الجدة
: يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا
الحفيدة
: أيوه بس مش حاسة إنك مخنوقة وانتي لابساه؟
الجدة:
أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة
الحفيدة
: ياه يا تيته.. ده انتوا كان ليكم تقاليد غريبة خالص !
الجدة
: وهو انتي فاكرة إن أيامكم دي أيام؟ يا بنتي أيامىم دي ما يعلم بيها إلا ربنا .. فين أيام سنة2008هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق
الحفيدة
: معقول يا تيته؟ للدرجة الفظيعة دي!!؟
الجدة
: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!
الحفيدة
: يا خبر .. وإيه كمان ياتيته
الجدة:
ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!
الحفيدة
: وبعدين ياتيته
الجدة
: وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!
الحفيدة
: حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة
الجدة
: طيب ياحبيبتي روحي
(بعد عدة دقائق
)
الحفيدة
: هيه يا تيته.. وبعدين
الجدة
: أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!
الحفيدة
: 70 مليون بس؟!!
الجدة
: أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟
الحفيدة
: ما هو علشان كده الجواز على أيامىم كان سهل خالص، إحنا بقى خلصنا من العُقد دي
الجدة
: أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !
الحفيدة
: ياي! ده انتوا كنتوا متزمتين خالص ياتيته !!!
الجدة
: يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!
(تمسك الجدة بتليفون محمول في حجم علبة الكبريت
)
الحفيدة
: ح تكلمي مين يا تيته
الجدة
: الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..
الحفيدة
: (تنهض من مكانها) تشاو سي يو تيته!
الجدة
: سي يو
وبعد مرور عدة ساعات انتابت الجدة خلالها غيبوبة بسبب الشيخوخة
و في المساء دار هذا الحوار بين الجدة والحفيدة:
الجدة
: إنتي كنتي فين يا فتفت؟
الحفيدة
:أصل إحنا أخدنا الولد من الحضانة ..
الجدة
: ولد !! ولد إيه اللي أخدتوه من الحضانة؟
الحفيدة
: آه صحيح أنا نسيت أقول لك .. أصل أنا جبت ولد من سمسم صاحبي
الجدة
: يا بنتي مستعجلين على إيه مش لما تتجوزوا ؟ حسبي الله ونعم الوكيل!
الحفيدة
: يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت
الجدة
: مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى
الحفيدة : سميناه (دوت كوم
) ..
الجدة
: نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟
الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4
)
الجدة:
وأخدتوه من الحضانة وديتوه فين بقى؟
الحفيدة
: وديناه النادي الصهيوني بتاع الحي
الجدة
: النادي الصهيوني بتاع الحي؟
الحفيدة
: أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه،
الجدة
: لأ بقى حسبي الله ونعم الوكيل فيكم فعلا! (يغمى عليها)
الحفيدة : تيته..تيتة طيب نامى انتى بقى

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف romeel في الأربعاء ديسمبر 17, 2008 9:02 pm

موضوع حلو يالاميس عندي من زمان
بس نتمى انه مايحصلش لانه هيكون كارثه
ولو ان الحوار ممكن مايكونش بعيد اوي كده يعني مش عام 2025
ممكن مثلا على 2010
وربنا يستر

romeel
وسام التميز
وسام التميز

عدد الرسائل : 338
العمر : 31
الموقع : romeel2010@yahoo.com
التميز الشخصي/الهوايات : القراءة بس مش كل المواضيع
تاريخ التسجيل : 31/10/2008

http://romeel.mountada.biz/

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف lamis في الأربعاء ديسمبر 17, 2008 10:44 pm

حرام عليك اتفائل خير
سبحان اللة انا بالرغم اللى نزلتة بس انا متفائلة لبلدنا دى خير ان شاء اللة
دول شوية غضب من ربنا وهيروحو لحالهم
وانتظر الجديد ياروميل باذن اللة

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف romeel في الأحد ديسمبر 21, 2008 4:16 am

ماتقولش ايه ايديتنا مصر قول هندجي ايه لمصر
عظيمة يامصر
الي الجهاد
ياست لاميس احنا من مقبلين على ايام سوده سواد كاحل يحاكي سواد الليل واللي جاي اسود من اللي راح
هو جميل ان الانسان ينظر نظرة متفائلة لانه هو ده اخره
بس اررجع واقول لازم تكون ثقة الفرد في ربنا اقوى من كل شئ

يارب معك لا اريد شيئا على الارض

romeel
وسام التميز
وسام التميز

عدد الرسائل : 338
العمر : 31
الموقع : romeel2010@yahoo.com
التميز الشخصي/الهوايات : القراءة بس مش كل المواضيع
تاريخ التسجيل : 31/10/2008

http://romeel.mountada.biz/

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف mohammed haggag في الإثنين ديسمبر 29, 2008 10:25 am

حلو
نسأل الله العفو والعافيه

mohammed haggag
عضو فعال
عضو فعال

عدد الرسائل : 774
العمر : 31
التميز الشخصي/الهوايات : advertisting designe , callegrapher & reeding stories
تاريخ التسجيل : 06/11/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف البرنس في الأربعاء ديسمبر 31, 2008 4:29 am

انا معجبنيش حاجة فى الحوار دة كلة قد معجبتنى كلمة روميل

ماتقولش ايه ايديتنا مصر قول هندجي ايه لمصر
عظيمة يا مصر

وعندك فى الى انتا قلتة

البرنس
عضو فعال
عضو فعال

عدد الرسائل : 549
العمر : 28
التميز الشخصي/الهوايات : السباحة
تاريخ التسجيل : 04/12/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف خالد شاهين في الخميس يناير 01, 2009 2:53 am

انا مش عجبنى الحوار خصوصا الجزء بتاع كانت المذيعة تقعد جنب الضيف مش على ركبتة زى دلوقتى
اظن مينفعش خالص احنا فى مصر فى فى امريكا

خالد شاهين
مستجد
مستجد

عدد الرسائل : 58
العمر : 26
التميز الشخصي/الهوايات : امين لجنة الاسر والاتحادات بالكلية
تاريخ التسجيل : 31/12/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف lamis في الخميس يناير 01, 2009 1:54 pm

انت اللى فهمت خطأ
الحوار سنة 2052
يعنى مش هتقعد على رقبتة دلوقتى لسة بدرى

lamis
عضو فعال
عضو فعال

عدد الرسائل : 388
العمر : 25
التميز الشخصي/الهوايات : reading
تاريخ التسجيل : 15/11/2008

الرجوع الى أعلى الصفحة اذهب الى الأسفل

رد: حوار بين بنت وجدتهاعام 2052

مُساهمة من طرف mohammed haggag في الخميس يناير 01, 2009 8:40 pm

هههههههههههه حلوة لسة بدري دي يا لاميس

mohammed haggag
عضو فعال
عضو فعال

عدد الرسائل : 774
العمر : 31
التميز الشخصي/الهوايات : advertisting designe , callegrapher & reeding stories
تاريخ التسجيل : 06/11/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى