عمل فستان سهل

استعرض الموضوع السابق استعرض الموضوع التالي اذهب الى الأسفل

عمل فستان سهل

مُساهمة من طرف romeel في الأحد يونيو 06, 2010 9:00 pm

هنحتاج:
قماش على حسب مقاساتك ولتسهيل القياس لو كان القماش عرض واحد هتحتاجي طول الفستان مرتين مضاف له حوالي 50 سم ولو كان عرضين يبقى طول الفستان مضاف له 25 سم
الأول هنجهز الباترون:
هنرسم باترون اساسي بالمقاسات المطلوبة وبالطول المطلوب والفستان في الاصل للركبة ومش هنعمل تكسيم وسط

وبعدين هنعمل توسيع للذيل بمقدار 5 سم لكل جنب

بعد كده هنفصل الامام عن الخلف ونشتغل على الأمام الاول

هنمد خط من حردة الابط لنصف الامام وده بيمثل الحافة العلوية للفستان

هنضع نقطة اسفل حردة الابط على خط الجنب بمقدار 5 سم ونمد منها خط لبنسة الصدر عشان نصرفها تحت الابط

هنقفل البنسة بالدبابيس ونقص على الخط الجديد

نبعد عن طرف البنسة الجديدة على الخط اللي رسمناه مقدار 3 سم ونضع نقطة ومنها نمد خط للطرف بحيث يكون ضلع البنسة الجديد

دلوقتي هنرسم الكالونيه على خط نصف الامام عن طريق رسم خط موازي لنصف الامام ويبعد عنه 5 سم ، وبعدين هنرسم خط تاني يبعد عن السابق برده 5 سم ونقفل الكالونيه من فوق ومن تحت

نيجي للحمالة ، هنضع نقطة في منتصف الكتف وننزل منها بخط لحد خط الحافة ونضع علامة تحدد بداية الحمالة ونحسب طول خط الحمالة ونسجله على جنب

نقص على خط الحافة وده الباترون النهائي لأمام

ننتقل للخلف هنمد خط من طرف الابط لخط نصف الخلف ويمثل حافة الفستان من الخلف

بعد كده نرسم حمالة الخلف من منتصف كتف الخلف لخط الحافة

نحسب طول الحمالة ونحدد مكانها وبعدين نقص وده الباترون النهائي للخلف

ويتبقى لنا السجاف، وعشان نجهز باترون السجاف هنرسم خط موازي للحافة وبعيد عنها 3 سم في الامام والخلف ونشف الجزء بين الخطين دول

يتبع

romeel
وسام التميز
وسام التميز

عدد الرسائل : 338
العمر : 31
الموقع : romeel2010@yahoo.com
التميز الشخصي/الهوايات : القراءة بس مش كل المواضيع
تاريخ التسجيل : 31/10/2008

http://romeel.mountada.biz/

الرجوع الى أعلى الصفحة اذهب الى الأسفل

رد: عمل فستان سهل

مُساهمة من طرف انوار الثريا في الجمعة نوفمبر 30, 2012 9:37 pm

بارك الله فيك

انوار الثريا
مستجد
مستجد

عدد الرسائل : 1
العمر : 47
التميز الشخصي/الهوايات : تصميم الازياء و الاشغال اليدوية
تاريخ التسجيل : 30/11/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى