تداخل القنوات..........

استعرض الموضوع السابق استعرض الموضوع التالي اذهب الى الأسفل

تداخل القنوات..........

مُساهمة من طرف الباشا تلميذ في الخميس يونيو 10, 2010 9:26 pm

الطباخ: سيداتى ربات البيوت يسر برنامجنا اليوم أن يقدم لكم ...

المعلق: الوصف التفصيلى لمباراة ...

الطباخ: الملوخية بالكوارع والبتنجان المقلى وغير أنه هيبقى فى ...

المعلق: وعلى إيدك الشمال الفريق الأحمر...

الطباخ: المحمر...

المعلق: وعلى إيدك اليمين الفؤريق أبو كم قصير...

الطباخ: المشمر...

المعلق: طاقم الحكام اليوم ...

الطباخ: من السوق...

المعلق: وهيلعب معانا اليوم لعيبة كبار قوى منهم...

الطباخ: شطة، كمون، فلفل أسود، بلة حمرة...

المعلق: والجون...

الطباخ: فص توم...

المعلق: الحكم ابتدا الماتش واللعيبة بيجسوا...

الطباخ: الطاسة عشان ما تتلسعش...

المعلق: دا اللعيب رقم 8 بيضرب ...
الطباخ: الحلة والنار تبقى هادية ...


المعلق: ولعيب الفريق الأحمر بيثبت الكورة وهيشوط وهيشوط وشاط...

الطباخ: إزاى شاط احنا مش لسه قايلين النار تبقى هادية...

المعلق: جون جون... الكورة دخلت...

الطباخ: فرن البوتاجاز...

المعلق: لكن أنا شايف الحكم رافع...

الطباخ: البتنجانة السوداء...

المعلق: معلش معلش ... الجيات اكتر من ...

الطباخ: البلح الأمهات...

المعلق: آه لعيبة الفريق الأحمر جريوا على الحكم وأنا شايف الحكم...

الطباخ: بيتغسل ويتقطع وينحط فى صوانى وأول ما نخلص منه...

المعلق: نستكمل المباراة مرة أخرى...

الطباخ: مع المحشى والمقادير...

المعلق: سيد الحكشة...

الطباخ: ونحط عليه...

المعلق: بنص المرقع

الطباخ: ونطرشأ عليهم

المعلق: نحيف العجل وبرعى طرشان نحيف العجل وبرعى طرشان لسه نحيف العجل وبرعى طرشان وبيكسروا بعض لكن شايف الحكم يمشى الكورة واللعب فى آخر ربع ساعة...

الطباخ: كوسة كوسة...

المعلق: وحامى...

الطباخ: لأ مش حامى الفلفل الرومى لازم ما يكونش حامى عشان ابنك الصغير...

المعلق: الكابتن محمد لطيف...

الطباخ: زى كتاب أبلة نظيرة ما بيقول...

المعلق: الكورة إجوان... والحكم بيبص فى ...

الطباخ: إيد الهون...

المعلق: وناقص على ساعتى أنا ...

الطباخ: كيلو رز ومعلقتين ملح...

المعلق: وبيصفر الحكم بانتهاء الماتش ...

الطباخ: بالهنا والشفا.

الباشا تلميذ
مستجد
مستجد

عدد الرسائل : 64
العمر : 29
التميز الشخصي/الهوايات : حاجات كتير
تاريخ التسجيل : 27/11/2008

http://sherif-222.darkbb.com/index.htm?sid=8437f0b13a611f21b1dd5

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى